Fishing vessel sa MisOr natundag sa Surigao
Sinulat ni Arjay S. Felicilda, Caraga Regional Bureau Chief
 
CAMP Rodriguez, Butuan City – Hapon sa petsa-25 ning bulana, milawig ang Fishing Vessel Cresmin gikan sa Talisayan, Misamis Oriental sakay ang unom ka tripulanting mananagat.
Sa walay palad, mikusokuso ang dagkong balud gumikan sa dautang panahon ug ang sakayan gipadpad sa kadagatan sa Malimono, Surigao del Norte.
Pagkakadlawon sa petsa-26 ning bulana, misamot kabangis ang panahon hangtud nga natikla-ub ug natundag ang sakyanan.
          Ang unom ka tripulanting mananagat mao sila si  Mr. Peter Macabodbod Benlon, 37 anyos; Mr. Virgilio Jamero Hagunos, 40 anyos; Mr. Arnel Jamero Hagunos, 22 anyos; Mr. Ronel Hinon Hidlawon, 37 anyos; Mr. Noel Buco Maco, 26 anyos; ug Romel Cañete Jomoc y, 22 anyos, mga taga-San Jose, Talisayan, Misamis Oriental.
            Samtang sila nag-utaw-utaw sa kadagatan sa Brgy. Cantapoy, Malimono, sila giluwas sa composite team sa Malimono Municipal Police Station, pinangulohan ni P/Insp Angel Cadeliña ug sa Philippine Coast Guard, pinangulohan ni  Petty Officer 2 Richard Deiparine, uban ni Brgy Kag. Felomino Telan sa Cantapoy, Malimono.
Ang natungdang mga mananagat maayo ang kondisyon sa panglawas sa dihang mipa-uli sa Talisayan, Misamis Oriental inabagan sa Malimono LGU.  (uban sa report niSPO1 Arturo S Campania, PRP-13 Info Office)