Kabugbaw sa kabuntagon,
Naglisud ako ug bangon.
Kanindot na paminawon,
Palibot na malinawon.

Ang gipas-an kung bug-at,
Ning gaan sa pag-aswat,
Puno man ug kaparat,
Padayon ang paglakat.

Kinabuhi may daghang pagsuway,
Di malikayan kita magsakay,
Maunlod o mulutaw ang baybay,
Ang mga balud ra`y mupaangay.

Usahay, ako maproblemahon,
Di ko matalikdan ang panahon,
Akoa gyud silang atubangon,
Kay ako nasayud na makat-on,
Ug ako mahimong makusganon.
Sa akong bag-ong kabuntagon.