3 tawo’ng wanted nadakpan

CAMP Rodriguez, Butuan City – Nadakpan sa kasong ‘consented abduction’ ang 24 anyos nga taga-Brgy. Mabongon,  Sto. Tomas, Davao Norte.

Si  Mr. Arvin Armamento Onion nasikop sa Lingig, Surigao Sur Police, hapon sa petsa-8 ning bulana sa Road 51, Mayahay, Lingig, Surigao del Sus pinasikad sa warrant of arrest ni Judge Virginia Europa sa Panabo City, kinsa mirekomendar sa piyansang P200 mil.

Nianang adlawa usab La Suerte, Dagocdoc, Tandag City nasikop ang mag-uumang si Mr. Gerry Roxas, 37 anyos sa kasong slight physical injuries.

Ang pagsikop kaniya gipasubay sa warrant of arrest gikan ni Judge Merlyn Pacaro-Cañedo sa maong dakbayan. Ipapiyansa siya’g P3 mil.

Nasikop usab ang wanted nga si Mr. Inocencio Maslog Tagupa, 38 anyos,  mag-uuma nga taga-Purok Hunay, Brgy Basag ning dakbayan sa Butuan.

Siya nasikop buntag usab sa petsa-8 ning bulana  diha sa maong barangay sa mando ni Judge James Go, kinsa mirekomendar sa  piyansang P12 mil. (uban sa report ni SPO1 Arturo S Campania, PRO-13 Info Office/asf)