2 LOLO, ETCETERA KASOHAN SA ILLEGAL GAMBLING
2 lolo, etcetera kasohan sa illegal gambling
Sinulat ni Arjay S. Felicilda, Caraga Regional Bureau Chief
CAMP Rodriguez, Butuan City – Andam na ang mga kaso batok sa pito ka tawong suspetsado sa illegal gambling sa lainlaing bahin sa Caraga Region.
Ang pito nga gitanggong karon sa kapulisan, naglakip kanila ni Lolo Teresito Avelino Anota, 52 anyos, taga-Brgy. Limaha; ug Lolo Leonardo Pamada Dumosmog, 61 anyos, taga- Emily Homes, Brgy Libertad.
Kasohan usab sila si Mr. Junie Sarem, 20 anyos, taga- Brgy Antao, Carmen Surigao Sur; Mr. Elldie Matulin Santos, 24 anyos, taga-Village 2, Brgy Libertad, Butuan City; Mr. Arnold Orit Cuyno, 30 anyos,taga-Poblacion Marihatag, Surigao Sur; ug Mr. Arnel Almonia Ligo, 43 anyos, taga-Taglatawan, Bayugan City.
Silang unom naaktohan nga nagpapusta og last two digits sa lainlaing nahin sa dakbayan sa Butuan. Nasakmit gikan kanila ang igu-igong kantidad sa salapi ug illegal gambling paraphernalia.
Lakip nga kasohan si Mr. Senin Caomate, kansang balay sa Maraville District, Tabon, Bislig City nakuhaan og video karera machine.
Ang suspects nangasikop atol sa lahilahing anti-gambling operations nila ni SPO4 Demetrio C Castolo Jr. (Butuan City Police Vice Control Section), Police Chief Insp. Al Cabuatan (Butuan City Police Station 2), PO3 Cerilo B Lequit (Carmen Police Station), Police Senior Insp Ave Mario Romero (BCPO) ug ug ginsakpan sa Marihatag Police Station.
Karong adlawa, lusubon sa kapulisan ang dugang mga lungga sa dagko ug gagmay’ng illegal gambling operators sa Caraga Region. (uban sa report nila ni SPO1 Arturo S Campania, PO3 Zena Menioria Panaligan, ug SPO1 Philip Amer Posas Mazo, PRO-13 info office/
Comments